Բացառիկ վիրահատություն Գյումրիում

Կիսվել

Գյումրու Մոր և մանկան ավստրիական հիվանդանոցի մանկաբարձագինելոգիական բաժանմունքի վարիչ, մանկաբարձ-գինեկոլոգ Տիգրան Սարգսյանը բացառիկ վիրահատություն է իրականացրել՝ արգանդի 5կգ-ոց հսկա միոմատոզ հանգույցի հեռացում բաց եղանակով։

Օրերս Գյումրու մոր և մանկան ավստրիական հիվանդանոց էր դիմել 39-ամյա կին բազմաթիվ գանգատներով՝ քաշի ավելացում, որովայնի չափերի մեծացում, հաճախամիզություն, առատ արյունահոսություն, ինքնազգացողության կտրուկ վատացում։

Համալիր հետազոտություններ անցնելուց հետո պացիենտի մոտ հայտնաբերվում է արգանդի միոմատոզ բավականին մեծ հանգույց։

Գյումրու մոր և մանկան ավստրիական հիվանդանոցի մանկաբարձ-գինեկոլոգ Տիգրան Սարգսյանի և փորձառու բժշկական անձնակազմի կողմից իրականացվել է բարդ վիրահատություն, կնոջ օրգանիզմից բարեհաջող հեռացվել է հսկա գոյացությունը։

Հետվիրահատական շրջանը անցնում է առանց բարդությունների, և ընդամենը օրեր անց պացիենտը դուրս է գրվում հիվանդանոցից՝ առողջությունը և ինքնազգացողությունը վերականգնված։

ԽՄԲԱԳՐՈՒԹՅԱՆ ԿՈՂՄԻՑ։ Առանձնակի հպարտությամբ նշենք, որ Գյումրու Մոր և մանկան ավստրիական հիվանդանոցի մանկաբարձագինելոգիական բաժանմունքի վարիչ, մանկաբարձ-գինեկոլոգ Տիգրան Սարգսյանը մեր հայրենակիցն է։  Նա մեր լուսահիշատակ հայրենակից Գրիգոր Սարգսյանի եւ ՆԳ անձնագրային բաժնի պետ Ռուզաննա Բաղդասարյանի որդին է։

Առաջին դեպքը չէ, որ մանկաբարձ գինեկոլոգ Տիգրան Սարգսյանը  կատարում է բարդ վիրահատություն՝ փրկելով պացիենտի կյանքը։

Կիսվել
Գլխավոր » Հասարակություն » Բացառիկ վիրահատություն Գյումրիում